Министрлер кабинетине караштуу "Жашыл энергетика фондунун" директору Кундус Кырбашева Кореянын ири компаниялары делген Hyundai Есо Solar Co., LTD жана LC Electric компанияларынын өкүлдөрү менен жолугушуу өткөрдү.

Бул компаниялар күн энергиясы тармагында эң заманбап технологияларды сунуштап, күн станцияларын орнотууда бир мүнөттө бир панелди жайгаштыра алган системаларын көрсөтүштү.

Ошондой эле, үйлөрдүн чатырларына күн панелдерин орнотуу жана суунун үстүндө калкып жүрүүчү күн станциялары боюнча дүйнөлүк деңгээлдеги проектилерин чогуу иш алпарууга кызыкдар экенин билдиришти .

Бул эки компания Кыргызстанга инвестиция салууга даяр экендиктерин белгилешти, ал эми биз тараптан өлкөбүздө ишке ашырууга даяр долбоорлорду сунуштадык.

Тышкы инвесторлордун кызыгуусу бизди чоң үмүт менен кубандырат жана өлкөнүн энергетика тармагын өнүктүрүү үчүн чоң мүмкүнчүлүктөрдү ачат.